Бүгінгі шара мынадай мақсаттарды қамтыды:

1. Өзін-өзі тану және дамыту – қыздарға өздерін тануға, тұлғалық қасиеттерін дамытуға көмектесу.

2. Эмоционалдық қолдау – қыздардың эмоциялық жағдайын жақсарту, стресс пен мазасыздықты жеңу жолдарын үйрету.

3. Қарым-қатынас дағдыларын дамыту – достық, отбасылық және мектептегі қарым-қатынас дағдыларын жетілдіру.

4. Өзін-өзі бағалау – өзін-өзі қабылдау және бағалау, сенімділікті арттыру.

5. Жыныстық тәрбие және қауіпсіздік – жасөспірімдік кезеңде дене өзгерістерін түсіндіру, жеке қауіпсіздік пен жыныстық тәрбие туралы ақпарат беру.

6. Қазақ қыздарының бойындағы асыл қасиеттерді бойына сіңіру.

Бүгінде өрімдей жастардың қылмыс жасауы көз үйренген көрініске айналып, елді алаңдатып отыр. Тәртібі қиын бала есейген сайын қылмыстың ауыр түрін жасауға дейін бейімделетінін ескерсек, бұл қоғамда үлкен өзекті мәселеге айналатыны белгілі.

Осы ретте, Шу ауданы Дінмұхамед Қонаев атындағы орта мектебінде мобильді топ мүшелері- Шу аудандық прокуратурасының прокуроры Бахадыр Нұрлыхан Мұратұлы, АПБ ЖПҚТ ЮПТ УПИ полиция капитаны А.Тойбаевпен және 8-11 сынып оқушыларымен жиналыс өткізілді.

Күн тәртібінде

1.Жасөспірімдер арасында құқық бұзушылықтың алдын алу мәселесі -

Шу аудандық прокуратурасының прокуроры - Бахадыр Нұрлыхан

Мұратұлы.

2. «Мектепте әлімжеттікпен бопсалауға жол жоқ» -Шу АПБ ЖПҚТ

Бірінші мәселе бойынша Бахадыр Нұрлыхан Мұратұлы сөз алып -Бүгінгі таңда қоғамның алдында тұрған басты міндеттердің бірі — балалар мен жасөспірімдер арасындағы, құқық бұзушылықтың алдын алу, кәмелетке толмағандар арасындағы қылмыстың өсуіне жол бермеу. Бұл мәселе қазіргі таңда өзекті мәселелердің біріне айналып отыр. Құқық бұзушылық дегеніміз - қоғамға зиян келтіретін және заң бойынша жазаланатын қоғамға қарсы әрекет. Қазір кез келген оқиғаның тез тарайтын уақыты. Әлеуметтік желілерге кіре қалсаң, бірін-бірі тепкілеген, ұрып-сабаған жастардың, ұл-қыздардың видеосын көресің. Ең сорақысы, адамдар төбелесті, жанжалды қызықтап, көмекке келудің орнына видеоға түсіріп тұрады. Бір сөзбен айтқанда, бір-бірімізге жанымыз ашымайтын болған. Ал осындай көріністердің соңы немен аяқталады? Әрине құқықтық жауапкершілікпен. Осыған орай сіздерді құқық бұзбай, бір-біріңізге сыйластықпен қарауға ұсынамын.-деп жеткізді.

Жиынның екінші мәселесі бойынша ЮПТ УПИ полиция капитаны А.Тойбаев - мектептің ішінде әлімжеттік көріністері, қорқытып ақша жинау фактілері орын алу жағдайы қатаң бақылауға алынатынын ескертті.

Кездесу барысында оқушыларды қызықтыратын сұрақтарға жауап беріліп, заң аясында жасөспірімдер құқық бұзушылық жасағанда қандай жауапкершілік қарастырылған және қандай тәртіп бойынша өтеуі бар екендігі туралы толық баяндама жасалды.

Шынында, баланың алғашқы тәрбие алатын орны – отбасы. Отбасында баланың мінез-құлқы, әдет дағдысы қалыптасады. «Балам дейтін жұрт болмаса, жұртым дейтін бала қайдан болсын» деп А.Байтұрсынұлы айтқандай, баланың болашағына толғанар ел, ойланар отбасы қалыптасса елдің болашағы зор болмақ. Қауіпсіз қоғам, тыныш тіршілік бәріміз үшін.

Бала - қауіпсіздігі басты назарда!

АТА-АНАЛАР НАЗАРЫНА!!!

Шу ауданы “Дінмұхамед Қонаев атындағы орта мектебі”коммуналдық мемлекеттік мекемесінің әкімшілігі 2023-2024 оқу жылының аяқталуына орай…..

24 мамыр күні мектепте 1-10 сынып оқушылары үшін “Білімім – Отаныма!” тақырыбында бірыңғай сынып сағаты өтеді. Мұнда сынып жетекшілері білім алушылармен бірге оқу жылын қорытындылайды.

БІТІРУШІ ТҮЛЕКТЕР ҮШІН САЛТАНАТТЫ ІС-ШАРА 25 МАМЫР КҮНІ “МЕКТЕБІМ, САҒАН МЫҢ АЛҒЫС!” ТАҚЫРЫБЫНДА ӨТЕДІ.

Сондай-ақ биылғы оқу жылында бірінші рет “Қазақ тілі мен әдебиеті” пәнінен 5-8, 10 сынып оқушылары емтихан тапсырады. Емтихандар 27 мамырда басталады.

Қорытынды бітіру емтихандары 9 сыныптар үшін 29 мамыр – 10 маусым аралығында, 11 сынып білім алушылары үшін мемлекеттік бітіру емтихандары 28 мамыр – 11 маусым аралығында өтеді.

Е С К Е Р Т Е Д І

Сыбайлас жемқорлыққа қарсы мәдениет қалыптастыру мақсатында мектеп қажеттіліктерін өтеу үшін бітіруші 4, 9, 11 сыныптардан ақша жинауға қатаң түрде тыйым салынады.

Мектептің ішкі жөндеу жұмыстарына қажетті санитарлық-шаруашылық заттарды сатып алу мақсатында білім алушылардан ақша жинауға қатаң тиым салынады.

Педагогикалық этика және сыбайлас жемқорлықтың алдын-алу мақсатында мектеп әкімшілігіне және педагогтарға кез келген түрдегі сыйлықтарды қабылдауға қатаң түрде тыйым салынады.

Оқушылардың өзен жағасына баруына тыйым салынады.

Қорытынды аттестаттау кезінде әртүрлі мақсатта ата-аналардан қаражат жинап, мерекелік дастархан ұйымдастыруға қатаң түрде тыйым салынады.

ҚҰРМЕТТІ АТА-АНА!

Жоғарыда айтылған талаптарды назарға ала отырып, оқушылардың қауіпсіздігіне бей-жай қарамауыңызды өтінеміз.

Сіздердің ұл-қыздарыңызға сапалы білім мен саналы тәрбие беру біз үшін абыройлы- МІНДЕТ!

Құрметпен мектеп директоры: М. Т. Султанова